უკრაინის გენერალური პროკურატურის ინფორმაციით, უკრაინაში რუსეთის აგრესიას 497 ბავშვი ემსხვერპლა

0
163

უკრაინის გენერალური პროკურატურის ინფორმაციით, 2022 წლის თებერვლიდან დღემდე უკრაინაში რუსეთის აგრესიას 497 ბავშვი ემსხვერპლა, 1 077-ზე მეტი კი დაშავდა.

“რუსეთის სრულმასშტაბიანი შეიარაღებული აგრესიის შედეგად უკრაინაში საერთო ჯამში 1 574 ბავშვი დაზარალდა. 2023 წლის 25 ივლისის დილის მდგომარეობით, დაიღუპა 497 ბავშვი და დაშავდა 1 077-ზე მეტი”, – ნათქვამია პროკურატურის განცხადებაში.

როგორც პროკურატურა აღნიშნავს, რიცხვები საბოლოო არაა. საომარი მოქმედებების ზონებში, დროებით ოკუპირებულ და გათავისუფლებულ ტერიტორიებზე ზუსტი რიცხვების აღსაწერად სამუშაოები მიმდინარეობს.

პროკურატურის ინფორმაციითვე, ყველაზე მეტად დაზარალდა დონეცკის ოლქი:

დონეცკის ოლქი – 481;
ხარკოვი – 298;
კიევი – 129;
ხერსონი – 116;
ზაპოროჟიე – 97;
მიკოლაევი – 89;
დნიპრო – 83;
ჩერნიჰივი – 71;
ლუგანსკი – 67.
24 ივლისს დონეცკის რეგიონში ოკუპანტების თავდასხმას 10 წლის ბიჭის სიცოცხლე ემსხვერპლა. 5 და 12 წლის ბავშვები კი დაშავდნენ. ხარკოვის რეგიონში დაბომბვის შედეგად 12 წლის ბავშვი დაშავდა.

წინა სტატიააშშ უკრაინას 400 მილიონ დოლარამდე ღირებულების სამხედრო დახმარებას გაუგზავნის – AP
შემდეგი სტატიარუსეთის იზოლირება ომის დასრულების ერთადერთი გზაა, ამას მოველით პარტნიორებისგან – ჰერჩინსკი რუსულ უნივერსიტეტზე
ტელეკომპანია ოდიშის საინფორმაციო სამსახური