დროებით ოკუპირებული აფხაზეთის თვითგამოცხადებული პრემიერმინისტრი ალექსანდრე ანქვაბი აპარტამენტებისა და სასტუმროების უცხო ქვეყნის მოქალაქეებისთვის მიყიდვის დასაშვებობის შესახებ ატეხილ სკანდალს გამოეხმაურა და აღნიშნა, რომ საშიშია არა აპარტ-ოტელების გაყიდვა, არამედ კორონავირუსი და აფხაზეთში შობადობის შემცირება, პარალელურად სიკვდილიანობის ზრდაა. 

ე.წ.-მა პრემიერმა სტატისტიკაც მოიყვანა:

“2020 წელს ქვეყანაში 955 აფხაზი დაიბადა, 2021 წელს კი მათი რიცხვი 100-ით შემცირდა. 2022 წელს, დაბადებულ აფხაზთა რიცხვი 200-ით შემცირდა და სულ 755 ახალშობილი აფხაზი შეადგინა”.

მისი თქმით, სიკვდილიანობის მაჩვენებელი საკმაოდ საგანგაშოა:

“1994 წლიდან 48.520 ადამიანი დაიბადა, ხოლო 40.163 – გარდაიცვალა. დანარჩენი თავად განსაჯეთ”, – თქვა ანქვაბმა.