გაეროს ინფორმაციით, რუსეთის სრულმასშტაბიანი ომის დაწყების შემდეგ უკრაინაში 9 300-მდე მშვიდობიანი მოქალაქე დაიღუპა. ამის შესახებ გაეროს გენერალური მდივანის მოადგილემ, როზმარ დიკარლომ 17 ივლისს გაეროს უშიშროების საბჭოს სხდომაზე განაცხადა.
“გაეროს ადამიანის უფლებათა უმაღლესი კომისრის ოფისის მონაცემებით 9 287 მოქალაქე დაიღუპა, 16 384 კი დაიჭრა, მათი უმეტესობა რუსი სამხედროების სროლის შედეგად”, – თქვა მან.
როგორც დიკარლომ აღნიშნა, დაღუპულთა და დაჭრილთა რიცხვი რეალურად სავარაუდოდ, გაცილებით მაღალია.
მისივე თქმით, გასულ წელს უკრაინა გახდა ქვეყანა, სადაც ყველაზე მეტი ბავშვია მოკლული ან დაჭრილი, ასევე ქვეყანა, სადაც სკოლებისა და საავადმყოფოები ყველაზე მეტჯერ დაბომბეს