შინაგან საქმეთა სამინისტროს 2023 წლის მეორე კვარტლის მონაცემების მიხედვით, საქართველოში თავშესაფრის მაძიებლად 224 პირი აღირიცხა. მათგან 44 ირანის მოქალაქეა, 39 უკრაინის, 25 რუსეთის. თავშესაფრის მაძიებელთა შორის ასევე იყვნენ ეგვიპტის, სირიის, უზბეკეთის, პაკისტანისა და ნიგერიის მოქალაქეები.

ბოლო სამ თვეში ლტოლვილის სტატუსი მიენიჭა უცხო ქვეყნის 6 მოქალაქეს. მათგან 3 რუსეთის, 3 კი ბანგლადეშის მოქალაქეა.

ჰუმანიტარული სტატუსი მიენიჭა უცხო ქვეყნის 49 მოქალაქეს. მათგან 46 უკრაინის მოქალაქეა, 1 ერაყის, 2 დაუდგენელი მოქალაქეობის.

შსს-ის სტატისტიკის მიხედვითვე, მოცემულ პერიოდში სტატუსის მინიჭებაზე უარი ეთქვა უცხო ქვეყნის 121 მოქალაქეს. მათგან 37 ირანიდან იყო, 21 თურქეთიდან, 10 იორდანიდან, 5 რუსეთიდან.

ამას გარდა, აპრილი, მაისი, ივნისში საქართველოდან უცხო ქვეყნის 47 მოქალაქე გააძევეს. მათ შორის, აზერბაიჯანის 19, ინდოეთის 6, ირანის 6, რუსეთის 2, ჩინეთის 4, ეგვიპტის 3.