უეფას პრეზიდენტმა მადლობა გადაუხადა საქართველოს პრემიერს ევროპის ჩემპიონატის ორგანიზებულად ჩატარებისთვის და დაწერა, რომ ჩემპიონატი ისტორიაში შევა.
უეფას პრეზიდენტის მადლობის წერილში მაღალი დასწრების და ტურნირის ხარისხის გარდა, ყურადღება ეთმობა ძალისხმევას, რომელიც საქართველოში სპორტული ინფრასტრუქტურის გამართვაზე იყო მიმართული, მათ შორის, ნახსენებია ხუთი ახალი საწვრთნელი ბაზა და სტადიონები თბილისსა და ქუთაისში.
ალექსანდერ ჩეფერინის შეფასებით, ეს ყველაფერი ქართულ ფეხბურთზე მომავალში დიდ გავლენას იქონიებს. მეტი წარმატების მოლოდინი აქვს საქართველოს პრემიერ-მინისტრს. ირაკლი ღარიბაშვილი, რომელიც ჩემპიონატის ფარგლებში გამართულ მატჩებს ოჯახის წევრებთან და ოფიციალურ სტუმრებთან ერთადაც ესწრებოდა, უეფას პრეზიდენტის შეფასებას გამოეხმაურა.