უკრაინის რადაში კენჭი ეყარა მიმართვის პროექტს, რომელიც პრეზიდენტ ვოლოდიმირ ზელენსკის ავალდებულებს, მიმართოს საქართველოს პრეზიდენტს, რათა მან მიხეილ სააკაშვილი შეიწყალოს. დეპუტატებმა მიმართვის პროექტს მხარი დაუჭირეს.
ინიციატივა გულისხმობს მიმართვას საქართველოს პრეზიდენტისადმი, ასევე ევროკავშირის წევრი ქვეყნების პარლამენტებისადმი, ევროპარლამენტისადმი, გაეროს, ევროპის საბჭოს საპარლამენტო ასამბლეის, ეუთოს საპარლამენტო ასამბლეის, ნატოს საპარლამენტო ასამბლეისადმი, ასევე BSEC-ისა და სუამ-ის საპარლამენტო ასამბლეებს.
განმარტებით ბარათში აღნიშნულია, რომ საკანონმდებლო ინიციატივის მიზანია სალომე ზურაბიშვილმა შეიწყალოს უკრაინის მოქალაქე და საქართველოს მესამე პრეზიდენტი, მიხეილ სააკაშვილი ჰუმანიტარული მიზნით, მისი ჯანმრთელობის მდგომარეობის გათვალისწინებით.
მიმართვას ხელს ათობით დეპუტატი აწერს, მათ შორისა მმართველი ფრაქციის ლიდერი – დავით არახამია.