გავრცელებული ინფორმაციით, მარტვილის კანიონის ტერიტორიაზე, მდინარე აბაშაში 17 წლის მოზარდი ჩავარდა და დაიღუპა. შემთხვევა დღეს მოხდა.
“ოდიშინიუსმა” დეტალების გარკვევა შეძლო: ახლობლების ნაამბობის მიხედვით, მოზარდი უბედური შემთხვევის მსხვერპლი გახდა და, სავარაუდოდ, გონება უკვე დაკარგული ჰქონდა, როცა მდინარეში ჩავარდა:
დაღუპული 17 წლის დათო საჯაიაა, სენაკიდან – ის დედისერთაა. დათომ სკოლა წელს დაამთავრა და, გავრცელებული ინფორმაციით, ტაიკავნდოს გუნდის წევრი იყო.
“კლდეზე სურათის გადაღების დროს ფეხი დაუცდა. ზურგით დაცემულმა, თავი კლდეს ჩამოარტყა და უკვე გათიშული იყო, როდესაც წყალში ჩავარდა”, – წერს დათო საჯაიას ახლობელი “ფეისბუქზე”.
ტელერადიოკომპანია “ოდიში” სამძიმარს უცხადებს დაღუპულის ოჯახსა და ახლობლებს.