უკრაინის პრეზიდენტი, ვოლოდიმირ ზელენსკი ამბობს, რომ ვილნიუსში ნატოს სამიტის ორმა დღემ აღმოფხვრა ყოველგვარი ეჭვი და გაურკვევლობა იმასთან დაკავშირებით, იქნება თუ არა უკრაინა ნატოში. მისი განცხადებით, დამოუკიდებლობის შემდეგ პირველად, შექმნეს უკრაინის უსაფრთხოების საფუძველი ნატოსკენ მიმავალ გზაზე.
“ეს არის უსაფრთხოების კონკრეტული გარანტიები, რომლებსაც ადასტურებს მსოფლიოს 7 საუკეთესო დემოკრატია. არასდროს გვქონია ასეთი უსაფრთხოების საფუძველი და ეს არის G7-ის დონე. ამ საფუძველზე ჩვენ ავაშენებთ უძლიერეს ქვეყნებთან უსაფრთხოების ორმხრივი ხელშეკრულებების ახალ, იურიდიულად სავალდებულო არქიტექტურას.
ძალიან მნიშვნელოვანია, რომ სამიტის ამ ორი დღის განმავლობაში ჩვენ მოვხსენით ნებისმიერი ეჭვი და გაურკვევლობა იმის შესახებ, იქნება თუ არა უკრაინა ნატოში. იქნება! პირველად, ამას ეთანხმება არა მხოლოდ ალიანსის ყველა წევრი, არამედ ალიანსის მნიშვნელოვანი უმრავლესობა ენერგიულად აახლოებს მას. არასდროს არ ჟღერდა ნატოს სხვა წევრების სიტყვები “თქვენ თანასწორი ხართ თანასწორთა შორის”. ახლა ყველას ესმის: ეს ფაქტია – თანასწორთა შორის თანაბარი. და ჩვენ ამ ფაქტს აუცილებლად დავადასტურებთ ჩვენი გამარჯვებით და ნატოში შესვლით”, – თქვა ზელენსკიმ.
მისივე თქმით, რუსეთს ახლა არ აქვს შესაძლებლობა, საკუთარი პირობები დაუყენოს ქვეყნებს ნატოში გაწევრიანების მიზნით.