რუსეთის საგარეო უწყების ხელმძღვანელი სერგეი ლავროვი ამბობს, რომ მოსკოვი F-16 ტიპის საბრძოლო თვითმფრინავების უკრაინისთვის გადაცემას ბირთვულ საფრთხედ განიხილავს.
რუსეთის საგარეო საქმეთა მინისტრი ამბობს, რომ შეერთებული შტატები და მისი ნატოს მოკავშირეები რუსეთთან პირდაპირი შეიარაღებული შეტაკების რისკს ქმნიან, რომლის შესაძლო შედეგებს მან კატასტროფული უწოდა.
შეგახსენებთ, ნატოს ვილნიუსის სამიტის ფარგლებში 11-მა პარტნიორმა ქვეყანამ უკრაინასთან ერთად ხელი მოაწერა მემორანდუმს, რომლის მიხედვითაც განისაზღვრა F-16 ტიპის საბრძოლო თვითმფრინავების სამართავად უკრაინელი პილოტების მომზადების პირობები.
ამასთან, სამიტზე გადაწყდა, რომ თვითმფრინავებს უკრაინას არა აშშ, არამედ ნატოს წევრი ევროპის ის ქვეყნები მიაწვდიან, რომლებსაც ეს თვითმფრინავები შეიარაღებაში აქვთ.