უკვე 3 საათზე მეტია კლინიკა “ვივამედში” ევროკავშირის სამედიცინო მისია იმყოფება. 5 პოლონელი ექიმით დაკომპლექტებული სამედიცინო გუნდი, მიხეილ სააკაშვილს კვლევებს ჩაუტარებს. მედიკოსებმა კლინიკაში შესვლამდე მედიასთან კომენტარი არ გააკეთეს.
ოჯახის განცხადებით, ჯერჯერობით დეტალებზე ვერ ისაუბრებენ. მათივე ცნობით, სამედიცინო მისიის შედეგები საჯარო არ იქნება.
“კიდევ კარგი, რომ ჩამოვიდნენ და შევიდნენ, მაგრამ ვიცი, რომ ძალიან გართულდა მათთვის ამ ნებართვების მიცემა და რატომ გართულდა? მე დრო და დრო მქონდა ურთიერთობა საელჩოსთან და ისინიც ვერაფერს ვერ ამბობდნენ. ის, რაც ვიცი ლაპარაკიდან და კერძო საუბრებიდან, იმის თქმის უფლებაც არ მაქვს ჯერჯერობით. მემგონი სწორედ ექიმებთან შესახვედრად შევიდნენ ეს ადამიანები და ბოლო წუთამდე არ ჰქონდათ მათ პენიტენციური სისტემიდან ნებართვა,” – განაცხადა სააკაშვილის დედამ, გიული ალასანიამ.