58-ე არმიის ყოფილმა მეთაურმა უკრაინაში მეშვიდე რუსი გენერლის მოკვლა დაადასტურა

0
315

58-ე არმიის ყოფილმა ხელმძღვანელმა, რუსეთის დუმის დეპუტატმა ანდრეი გურულევმა დაადასტურა, რომ უკრაინაში დაიღუპა მორიგი გენერალი – გენერალ-ლეიტენანტი ოლეგ ცოკოვი.

ინფორმაცია იმის შესახებ, რომ გენერალი ცოკოვი ანექსირებული ბერდიანსკის საარტილერიო დაბომბვის დროს დაიღუპა, რუსულმა და უკრაინულმა ტელეგრამ-არხებმა გაავრცელეს, რის შესახებაც რუსეთის თავდაცვას კომენტარი არ გაუკეთებია. 

გურულევმა ასევე განაცხადა, რომ 2022 წლის სექტემბერში ცოკოვი მძიმედ დაიჭრა:

“ის ძლივს გამოიყვანეს, მძიმედ იყო დაჭრილი, ძლივს გადარჩა და მისი მდგომარეობის გათვალისწინებით, შეეძლო არც დაბრუნებულიყო ფრონტზე, მაგრამ მაინც დაბრუნდა”, – თქვა გურულევმა.

საერთო ჯამში, ცოკოვი რიგით მეშვიდე რუსი გენერალია, რომელიც დადასტურებულად მოკლეს რუსეთ-უკრაინის ომში.  

წინა სტატიადიდი შვიდეულის ქვეყნების ერთობლივი დეკლარაცია უკრაინასთან დაკავშირებით – ძირითადი ასპექტები
შემდეგი სტატიაპოლონეთის აეროპორტში, მკვლელობის ბრალდებით, საქართველოს მოქალაქე დააკავეს
ტელეკომპანია ოდიშის საინფორმაციო სამსახური