4 ივლისს, უკრაინის პრეზიდენტის განკარგულებით, უკრაინის საგარეო საქმეთა სამინისტრომ გამოიძახა საქართველოს ელჩი უკრაინაში, გიორგი ზაქარაშვილი, რათა გამოეხატათ მკაცრი პროტესტი ციხეში მყოფი მიხეილ სააკაშვილის ჯანმრთელობის მდგომარეობის მნიშვნელოვანი გაუარესების გამო.
ელჩს თბილისში კონსულტაციისთვის დაბრუნება სთხოვეს.
“გამოითქვა მტკიცე პროტესტი საქართველოში პატიმრობაში მყოფ უკრაინის მოქალაქე მიხეილ სააკაშვილის მდგომარეობის მნიშვნელოვანი გაუარესების გამო. ქართველ დიპლომატს განემარტა, რომ მიხეილ სააკაშვილის მიმართ ეს დამოკიდებულება აბსოლუტურად მიუღებელია. საქართველოს ხელისუფლებამ უნდა შეწყვიტოს დამამცირებელი მოპყრობა უკრაინის მოქალაქის მიმართ.
ამის გამო ელჩ ზაქარაშვილს შესთავაზეს დაბრუნდეს თბილისში, კონსულტაციების გასამართად და არსებული სიტუაციის მოგვარების გზების მოსაძებნად.
უკრაინულმა მხარემ გამოთქვა მზადყოფნა, გადაუდებლად დაიწყოს განხილვა სააკაშვილის უკრაინაში გადაყვანის საკითხის, მისი მკურნალობისა და შემდგომი მოვლის მიზნით”, – ნათქვამია უკრაინის საგარეოს განცხადებაში.