რუსი უფლებადამცველი მარკ ფეიგინი და უკრაინელი პოლიტიკოსი, ოლექსი არესტოვიჩი გამოეხმაურნენ საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობას. ფეიგინის გადაცემაში მათ თქვეს, რომ საქართველოს ხელისუფლება მოსკოვის დღის წესრიგით მოქმედებს.
“ამ ფოტოებზე სააკაშვილის ცნობა შეუძლებელია. ზელენსკის მიერ მიღებული ზომები საკმაოდ შემაძრწუნებელია, საქართველოს ხელისუფლება, გასაგებია, რომ იყიდა კრემლმა, მაგრამ გამოსავალი უნდა იყოს, მათ შორის სააკაშვილის ბედთან დაკავშირებით. პრეზიდენტი ზურაბიშვილიც ვერ უშველის თავს, თუმცა ცნობილია, რომ ის ივანიშვილს უჭირავს”, – თქვა ფეიგინმა.
პირდაპირ ეთერში ჩატარდა გამოკითხვაც, რომელში მონაწილე 76 000-ზე მეტი მაყურებელის 89%-მა განაცხადა, რომ სქართველოს ხელისუფლება პრომოსკოვურია.
“პუტინი საქართველოს ხელისუფლების ხელით კლავს სააკაშვილს. ამაზე უფრო მკაცრი შეფასება შეუძლებელია, რა უნდა ვთქვა, საქართველოს პარლამენტმა ცვლილებები შეიტანა საარჩევნო კოდექსში, რითიც მმართველი პარტია მომავალ არჩევნებში გამარჯვებას ინაღდებს. გარდა ამისა, თბილისსა და მოსკოვს შორის ფრენების სიხშირე გაიზარდა, გაიზარდა იმპორტი, საქართველო ეხმარება რუსეთს, მათი ტერიტორიები ოკუპირებულია. მოკლედ, ყველაფერი ძალიან მოსკოვურია”, – თქვა არესტოვიჩმა.