მოძრაობა “ლელოს” წარმომადგენლის, ანა ნაცვლიშვილის გამოსვლის დროს საქართველოს პარლამენტში ხმაური მოჰყვა მის არაეთიკურ შეკითხვას პრემიერ-მინისტრისადმი, რომლის ადრესატი, მთავრობის მეთაურთან ერთად, მისი სტუდენტი შვილიც იყო:
“მე ვნახე, რომ თქვენი შვილი სწავლას აშშ-ში, პენსილვანიის უნივერსიტეტში გააგრძელებს – იცით თუ არა, რომ პენსილვანიის უნივერსიტეტი ლგბტ საკითხების მიმართ ერთ-ერთი ყველაზე უფრო მეგობრულია – ხომ არ გეშინიათ, რომ იქ თქვენს შვილს გადაიბირებენ, ან რამე ზომბირებას მოახდენენ? არ გიფიქრიათ ამაზე?” – იკითხა დეპუტატმა და მას შემდეგ, რაც მის განცხადებას დარბაზიდან უკმაყოფილო შეძახილები მოჰყვა, დაამატა: “ხო, ესეა… ნუ აფუთფუთდით…”.
“რასაც თქვენ აკეთებთ, სიბინძურეა, ბინძური ადამიანი ხართ”, – ასე უპასუხა პრემიერ-მინისტრმა ანა ნაცვლიშვილის განცხადებას.