უკრაინის პრეზიდენტმა, ვოლოდიმირ ზელენსკიმ საღამოს ტრადიციული მიმართვისას თქვა, რომ სამხედროებმა ფრონტის ყველა მიმართულებაზე წინ წაიწიეს. ზელენსკი სამუშაო ვიზიტით იმყოფებოდა დონეცკის ოლქში.
“ფრონტი, დონეცკის ოლქი, ზაპოროჟიე. ჩვენი მეომრები, ჩვენი ფრონტის პოზიციები, ფრონტზე აქტიური ოპერაციების ზონები. დღეს ჩვენი მეომრები ყველა მიმართულებით დაწინაურდნენ და ეს ბედნიერი დღეა. ბიჭებს კიდევ ასეთი დღეები ვუსურვე”, – თქვა ზელენსკიმ.
ზელენსკიმ თქვა, რომ შეხვდა გენერლებს და მიიღეს რამდენიმე ოპერატიული გადაწყვეტილება. მისივე განცხადებით, კიდევ ერთხელ განიხილეს საზღვაო ქვეითი კორპუსის შექმნა.