რუსი “ვოენკორები”(სამხედრო კორესპონდენტები) წერენ, რომ ევგენი პრიგოჟინისდ ამბოხმა, მინიმუმ, 13 რუსი პილოტი შეიწირა, ასე რომ “ვაგნერის” შეფის განცხადება, თითქოს ისე მივიდა მოსკოვამდე 100 კილომეტრის დაშორებით, რომ “რუსების სისხლი არ დაუღვრია”, მთლად სიმართლეც არ არის. 

ამ დროისთვის ცნობილია, რომ რუსეთმა აჯანყების პერიოდში დაკარგა 7 ბორტი, მათ შორის სამი ვერტმფრენი Ми-8 МТПР , ხოლო სხვადასხვა წყაროების მიხედვით, დაიღუპა 20-მდე პილოტი. 

კრემლის წყაროებთან დაახლოებული Readovka წერს, რომ პრიგოჟინის აჯანყების შედეგად 15 ადამიანი დაიღუპა, მათი უმრავლესობა კი პილოტი იყო. მათივე ინფორმაციით, ჩამოგდებული Ил-18-ის ბორტზე რვა ადამიანი იმყოფებოდა.

ამას გარდა, ვაგნერელებმა ჩამოაგდეს Ка-52 “Аллигатор”, რომლის ეკიპაჟი, ასევე, დაიღუპა. მოგვიანებით, რუსმა ვოენკორებმა ისიც დაწერეს, რომ პრიგოჟინი დაღუპულთა ოჯახებისთვის 50 მილიონი რუბლის გადახდას დათანხმდა.