მიჭირს სიარული, დავკარგე წონის 50%-ზე მეტი, მიზიანდება მხედველობა – მიხეილ სააკაშვილი EU-ს სამედიცინო მისიის ვიზიტს ითხოვს

0
252

საქართველოს მესამე პრეზიდენტის, მიხეილ სააკაშვილის განცხადებით, მისი ჯანმრთელობის მდგომარეობა კვლავ პრობლემურია.

“ტვიტერზე” გავრცელებულ განცხადებაში ის წერს, რომ კვლავ მოითხოვს ევროკავშირის სამედიცინო მისიის ვიზიტს, რომელიც დაადასტურებს მისი ჯანმრთელობის მდგომარეობის სიმძიმეს.

“ჩემი ჯანმრთელობის მდგომარეობა ისეთივე პრობლემურია, როგორც არასდროს და მე დაჟინებით მოვითხოვ, რომ ევროკავშირის სამედიცინო მისიამ (რომელიც დაკომპლექტებულია პოლონელი ექიმებისგან) რაც შეიძლება ჩქარა მომინახულოს და დაადასტუროს ეს. საქართველოს მთავრობა უკვე 4 თვეა ხელოვნურ ბარიერებს ქმნის.

მე მიჭირს სიარული. დავკარგე სხეულის წონის 50%-ზე მეტი და კვლავ ვაგრძელებ მის კარგვას. მიუარესდება ნევროლოგიური მდგომარეობა და სერიოზულად მიზიანდება მხედველობა. დავკარგე თმის დიდი ნაწილი, თუმცა ეს იმას არ ნიშნავს, რომ ჩემი პოზიცია არ გამოვხატო, როცა საქართველოს მთავრობას უნდა რომ გამაჩუმოს. რა თქმა უნდა, ჩემი განკურნება შესაძლებელია მხოლოდ იმ შემთხვევაში, თუ ევროპაში შესაბამის სამედიცინო დაწესებულებაში გადამიყვანენ.

ახალმა მთავრობამ გადაწყვიტა ეთქვა, რომ ჩემი ადვოკატების დახმარებით რამდენიმე ტვიტისა და ფეისბუკ პოსტის გამოქვეყნების შემდეგ, მე სრულიად ჯანმრთელი ვარ. მათ გაანადგურეს ჩემი ჯანმრთელობა და ახლა უნდათ, რომ ფიქრი ამიკრძალონ”, – წერს სააკაშვილი Twitter-ზე.

წინა სტატიაუსაქმური, კორუმპირებული და მკვლელია ტიპი- ხაბეიშვილი კალაძეს პასუხობს
შემდეგი სტატიადაზვერვამ მიიღო ინფორმაცია, რომ რუსები ზაპოროჟიეს ატომური ელექტროსადგურის აფეთქებას აპირებენ – ზელენსკი
ტელეკომპანია ოდიშის საინფორმაციო სამსახური