21 ივნისს, გამთენიისას, რუსეთი უკრაინას ირანული წარმოების “შაჰიდის” დრონებით დაესხა თავს. ინფორმაციას უკრაინის შეიარაღებული ძალების გენერალური შტაბი ავრცელებს.
უწყების ცნობით, ოკუპანტებმა თავდასხმისთვის 6 ე.წ “კამიკაძე” დრონი გამოიყენეს და უკრაინის საჰაერო თავდაცვის ძალებმა ექვსივე მათგანი ჩამოაგდეს ხმელნიცკის რეგიონში.
გენშტაბმა დილის განახლებაში თქვა, რომ 20 ივნისის განმავლობაში რუსეთმა უკრაინის წინააღმდეგ ჯამში 33 “შაჰიდი” გაუშვა, საიდანაც 30 უკრაინის ძალებმა ჩამოაგდეს.