ევროკავშირმა გამოაცხადა მზადყოფნა უკრაინას შესთავაზოს 50 მილიარდი ევროს ოდენობის ფინანსური დახმარების პაკეტი. ინფორმაციას Bloomberg ავრცელებს და წერს, რომ ევროკომისიის წინადადება ხელს შეუწყობს უკრაინის მთავრობის მიმდინარე ხარჯების დაფინანსებას და გადაუდებელი რეკონსტრუქციის პრიორიტეტების ხარჯების გადახდას.
გამოცემის ცნობით, დახმარების პაკეტი გამოცხადდება სამშაბათს ლონდონში გამართული კონფერენციის წინ, სადაც დონორები უკრაინის აღდგენაზე იმსჯელებენ.
უკრაინის წინა ფინანსური პაკეტებისგან განსხვავებით, გეგმა დაფინანსდება წევრი ქვეყნების შენატანებით და არა საბაზრო სესხებით, თქვა ანონიმურმა წყარომ.
Bloomberg-ის ცნობით, პაკეტის ნაწილი მოხმარდება უკრაინის მიმდინარე ხარჯებს, როგორიცაა ხელფასები, პენსიები და სოციალური შეღავათები.
არსებული ცნობებით, 50 მილიარდი ევრო გამოიყოფა გრანტებისა და შეღავათიანი სესხების სახით, მაგრამ იმ პირობით, რომ უკრაინა ქვეყანაში არაერთ რეფორმას განახორციელებს, მათ შორის ანტიკორუფციულს.