“უკრაინა ყირიმის გათავისუფლებისა და საკუთარი ტერიტორიიდან რუსული ძალების განდევნის ოპერაციას დაადგა”, – ამბობს გენერალი, ევროპაში ნატოს ჯარების ყოფილი სარდალი ბენ ჰოჯესი, “ესპრესოს” ეთერში.
გენერალმა დაამატა, რომ უკრაინელები ასუსტებენ რუსეთის თავდაცვის ძალებს, ეძებენ სუსტ წერტილებს, იგერიებენ და უკანდახევას აიძულებენ მტერს იმ ადგილებში, სადაც ძირითადი შეტევითი ოპერაციები უნდა ჩატარდეს.
მისივე თქმით, კონტრშეტევის დაწყება უკრაინის მიერ გადადგმული მნიშვნელოვანი ნაბიჯია, მაგრამ მისი (კონტრშეტევის) ძირითადი ფაზა ჯერ არ დაწყებულა:
“მე მხედველობაში ის მაქვს, რომ მომდევნო რამდენიმე დღე ძალიან მძიმე იქნება, მაგრამ ველოდები, რომ მომდევნო რამდენიმე კვირაში ჩვენ უკრაინის უფრო მეტი წარმატებისა და მათი ძალების წინსვლის პროგრესირებადი დინამიკის მოწმე ვიქნებით”, ამბობს ამერიკელი გენერალი.