უკრაინის თავდაცვის მინისტრის მოადგილემ, ანა მალიარმა განაცხადა, რომ უკრაინის თავდაცვის ძალები აგრძელებენ შეტევითი და თავდაცვითი მოქმედებების განხორციელებას, ხოლო სამხრეთში ტაქტიკური წარმატება აქვთ და წინ მიიწევენ.
„უკრაინის თავდაცვის ძალები აგრძელებენ როგორც შეტევითი, ასევე თავდაცვითი ოპერაციების განხორციელებას და აქვთ ნაწილობრივი წარმატება. ჩვენი ჯარები მოქმედებენ მტრის საჰაერო და საარტილერიო უპირატესობის პირობებში.
იმ რაიონებში, სადაც თავდაცვაზე ვართ, არცერთი პოზიცია არ დაგვიკარგავს და მტერი წინსვლას ვერ ახერხებდა. აღმოსავლეთით უკრაინის თავდაცვის ძალები აწარმოებენ როგორც თავდაცვით, ასევე კონტრშეტევით მოქმედებებს.
აქ მტერი ცდილობს განდევნოს ჩვენი ჯარები დაკავებული პოზიციებიდან, აწარმოებს თავდასხმით ოპერაციებს ერთდროულად რამდენიმე მიმართულებით, კერძოდ ლიმანში“, – აღნიშნა უკრაინის თავდაცვის მინისტრის მოადგილემ.