საქართველოს პრემიერმინისტრმა ირაკლი ღარიბაშვილმა ჯორჯიის შტატის გუბერნატორ ბრაიან კემპს, პირველ ლედის და აშშ-ის დელეგაციას ვახშამზე უმასპინძლა. ამის შესახებ ინფორმაციას საქართველოს მთავრობა ავრცელებს.
ბრაიან კემპი კი Twitter-ზე წერს, რომ ღარიბაშვილთან თავისუფლების, უწყვეტი პარტნიორობისა და ნაკისრი საერთო ვალდებულებების შესახებ ისაუბრა.
ცნობისთვის, დელეგაციის შემადგენლობაში ჯორჯიის შტატის პირველი ლედი მარტი კემპი, ეროვნული გვარდიის გენერალ-ადიუტანტი თომას ქარდენი და ეკონომიკური განვითარების დეპარტამენტის კომისარი ფეთ უილსონი არიან.