რუსმა ოკუპანტებმა უკრაინის დედაქალაქს ისევ შეუტიეს – კიევზე ბალისტიკური რაკეტებითა და კამიკაძე დრონებით მიიტანეს იერიში.
აქტიურად მუშაობდა ჰაერსაწინააღმდეგო თავდაცვა, ქალაქში Patriot-ების და სხვა ტიპის ჰაერსაწინააღმდეგო თავდაცვის კომპლექსთა ზალპი არ წყდებოდა. განადგურებული რაკეტების ნამსხვრევებით, სამწუხაროდ, ისევ ადგილობრივი მოსახლეობა დაზარალდა:
დნეპრისა და დესნას რაიონებში სარაკეტო დარტმების შედეგად 3 ადამიანი დაიღუპა, მათ შორის, ორი ბავშვი. დაჭრილთა რიცხვმა ამ დროისთვის 14-ს მიაღწია, საერთო ჯამში კი 9 ადამიანი ჰოსპიტალიზებულია – ინფორმაციას კიევის მერი ვიტალი კლიჩკო ავრცელებს.
ამასთან, კიევის დაბომბვის შემდეგ, რუსეთის ქალაქ ბელგოროდში რამდენიმე ,ძლავრი აფეთქების ხმა გაისმა: “საშინელება ხდება ბელგოროდში” – წერენ ადგილობრივი მცხოვრებლები.