РДК (რუსეთის მოხალისეთა კორპუსი) რუსეთის ტერიტორიაზე ისევ შეიჭრა – ინფორმაციას თავად კორპუსის წევრები ავრცელებენ:
“გუშინ რუსმა მესაზღვრეებმა თავიანთი პროფესიული დღე აღნიშნეს. ეს დღე მათ РДК-ს მებრძოლებმა რუსეთის ტერიტორიაზე ხელახალი შეჭრითა და იქ დაწყებული სპეცოპერაციით მიულოცეს, რომლის შედეგები მოგვიანებით გახდება ცნობილი”, – წერს რუსეთის მოხალისეთა კორპუსის არხი.
აქვე შეგახსენებთ: კურსკის ოლქის გუბერნატორი რომან სტაროვოიტი წერდა, რომ ე.წ. სპეცოპერაცია არამარტო ბელგოროდის ოლქში მიმდინარეობს, არამედ კურსკისა და ბრიანსკის ოლქის დასახლებებზეც გადავიდა – მისი ციტატა რუსულმა არხებმა მოიყვანეს.