სამხედრო ადმინისტრაციამ განაცხადა, რომ უკრაინის საჰაერო თავდაცვამ ჩამოაგდო 40-ზე მეტი “საჰაერო სამიზნე”, მათ შორის დრონები და რაკეტები, რომლებიც ორშაბათს დილით კიევისკენ მოძრაობდნენ. დილამდე საჰაერო განგაში კიევის გარდა უკრაინის არაერთ რეგიონში იყო.
“კიევზე უპილოტო საფრენი აპარატების ყველაზე დიდი თავდასხმიდან მხოლოდ 18 საათის შემდეგ, მტერმა კვლავ დაიწყო შეტევა დედაქალაქზე”, – განაცხადა ადმინისტრაციამ ორშაბათს.
ქალაქის ადმინისტრაცია ამბობს, რომ პირველადი ცნობებით მტერმა გამოიყენა “შაჰიდის” დრონები, ფრთოსანი რაკეტები, რომლებიც, შესაძლოა, კასპიის ზღვის რეგიონში Tu-95MS სტრატეგიული ბომბდამშენებიდან იყოს გაშვებული.
კიევის მერმა განაცხადა, რომ ნგრევა და მსხვერპლი არ ყოფილა.