რუსეთის პრეზიდენტი ვლადიმირ პუტინი პირდაპირ ამბობს, რომ საქართველოს მხრიდან მადლობას მოელოდა პირდაპირი ავიამიმოსვლისა და უვიზო რეჟიმის შემოღებაზე გადაწყვეტილების შემდეგ, ქვეყანაში დაწყებული საპროტესტო გამოსვლები კი, რომელსაც ის “ჭიქაში ატეხილ ქარიშხალს” უწოდებს, მისთვის გაუგებარია:
ვლადიმირ პუტინის კომენტარი პირდაპირი ავიარეისების აღდგენასა და უვიზო რეჟიმის ცალმხრივად შემოღებაზე: “ჩემთვის რეაქცია, რომელიც ამ ყველაფერს მოჰყვა, სრულიად მოულოდნელი იყო. მეგონა, რომ ყველა იტყოდა: გმადლობთ, კარგია. არა, ამოვარდა რაღაც სრულიად გაუგებარი ქარიშხალი ამ საკითხზე. ძალიან უცნაურია. და უბრალოდ, გულწრფელად რომ გითხრათ, მოულოდნელი. როცა ვუყურებ გვერდიდან ვფიქრობ: სრულიად გაგიჟდნენ თუ რა? ის, რაც მათთან ხდება, გაუგებარია”, – განაცხადა რუსეთის პრეზიდენტმა.