რუკაზე მითითებულ მონაკვეთებზე, დღე-ღამის განმავლობაში 25 საბრძოლო შეტაკება მოხდა, შეტაკებათა ეპიცენტრში კი ისევ ბახმუტი და მარინკა რჩება.
ამავე დროს, რუსი პროპაგანდისტების მიერ გავრცელებული ინფორმაცია ბახმუტის სრულად აღების შესახებ სინამდვილეს არ შეესაბამება: ქალაქის სამხრეთ-დასავლეთ ნაწილს უკრაინელები აკონტროლებენ, მეტიც: უკრაინის გენშტაბის ცნობით, ბახმუტიდან მტრის შენაერთების გამოდევნის პროცესი გრძელდება და ამ კუთხით უკრაინულმა სამხედრო შენაერთებმა 200-400 მეტრით წინ წაიწიეს.
დღე-ღამის განმავლობაში მოწინააღმდეგემ 21 სარაკეტო დარტყმა განახორციელა, მათ შორის ქალაქებზე დნეპრი, ზაპოროჟიე და ხარკოვის ოლქის დასახლებებზე. ამას გარდა, ოკუპანტებმა მიიტანეს 42 საჰაერო იერიში და 50-ჯერ გაისროლეს საზენიტო-სარაკეტო კომპლექსებიდან.
მტერი აგრძელებს მთავარი ძალების თავმოყრას კუპიანსკის, ლიმანის, ბახმუტის, ავდეევკისა და მარინკის მიმართულებით. უკრაინის სამხედრო ავიაციამ, დღე-ღამის განმავლობაში, რვაჯერ დაარტყა მტრის პირადი შემადგენლობისა და შეიარაღების კონცენტრაციის ადგილებს, ორჯერ კი საზენიტო-სარაკეტო კომპლექსების ბაზირების წერტილებს.
უკრაინის მცველებმა დღე-ღამის განმავლობაში რუსული დამრტყმელი ვერტმფრენი Ми-24, ერთი სუ-35, 4 – ფრთოსანი რაკეტა და 20 ირანული კამიკაძე-დრონი “შაჰიდი”ჩამოაგდეს.
უკრაინის სარაკეტო ძალებმა მტრის შეიარაღებისა და საბრძოლო ტექნიკის კონცენტრირების სამი რაიონი, სამი საბრძოლო მასალების საწყობი, 11 საარტილერიო და რადიოლოკაციური წერტი გაანადგურეს.