დიდი ბრიტანეთის თავდაცვის სამინისტროს დაზვერვის განახლებაში ნათქვამია, რომ რუსეთი, დიდი ალბათობით ქმნის ახალ “ელიტურ” თავდასხმის საავიაციო ჯგუფს, სახელწოდებით “შტორმი”. უწყების ცნობით, ქვედანაყოფის შემადგენლობაში, სავარაუდოდ, იქნება ბომბდამშენების სუ-24-ის და სუ-34-ის სულ მცირე ერთი ესკადრილია და საბრძოლო ვერტმფრენების ესკადრილია.
თვითმფრინავების ტიპების ნაზავით დაზვერვა ვარაუდობს, რომ ახალი ჯგუფის მთავარი როლი სახმელეთო დარტყმები იქნება.
რუსული მედიის ცნობით, რუსეთის თავდაცვის სამინისტროს მიზანია მოიზიდოს მაღალკვალიფიციური და მოტივირებული მფრინავები დიდი ანაზღაურების შეთავაზებით და პენსიაზე გასული ავიატორების რეკრუტირება დაიწყოს.