ამერიკის ეროვნული უსაფრთხოების მრჩევლის, ჯეიკ სალივანის თქმით, ჰიროშიმაში ვიზიტისას აშშ-ის პრეზიდენტი, ჯო ბაიდენი უკრაინის პრეზიდენტ ვოლოდიმირ ზელენსკის შეხვდება.
როგორც სალივანმა თქვა, მას ჯერჯერობით არ შეუძლია ოფიციალურად დაადასტუროს, შეხვდებიან თუ არა ერთმანეთს ზელენსკი და ბაიდენი, თუმცა სალივანმა ჟურნალისტებთან საუბრისას აღნიშნა, რომ ბაიდენი “მოუთმენლად ელის ზელენსკისთან პირისპირ შეხვედრის შესაძლებლობას”.
19 მაისს ჰიროშიმაში G7-ის სამიტი დიაწყო , რომელსაც უკრაინის პრეზიდენტი ვოლოდიმირ ზელენსკიც დაესწრება.
ზელენსკის ვიზიტის შესახებ ინფორმაციას ოფიციალურად ადასტურებენ, როგორც უკრაინაში, ისე იაპონიაში. როგორც ცნობილია, ვიზიტის ფარგლებში, ზელენსკის ორმხრივი შეხვედრა ექნება იაპონიის პრემიერთან.