უკრაინის პრეზიდენტის, ვოლოდიმირ ზელენსკის ცნობით, რუსულმა ძალებმა დონეცკის ქალაქი სლოვიანსკი დაბომბეს. ამ დროისთვის არსებული ინფორმაციით, თავდასხმის შედეგად დაიღუპა ერთი ადამიანი დაშავდა 25.
“კიდევ ერთი დღე, რომელიც რუსეთის ფედერაციის ტერორიზმით დაიწყო. აგრესორმა სახელმწიფომ დაბომბა ჩვენი სლოვიანსკი. სამწუხაროდ, არის დაღუპული და ათობით დაშავებული”, – დაწერა ზელენსკიმ.