უკრაინის სახმელეთო ძალების სარდალი გენერალი ოლექსანდრ სირსკი 23 მარტისთვის ბახმუტთან არსებულ მდგომარეობას აფასებს და ოპტიმისტურ პროგნოზს აკეთებს:
“ბახმუტთან რუსული შეტევების ძირითადი მამოძრავებელი ძალა კერძო სამხედრო ჯგუფი “ვაგნერია”. ისინი არაფერს ზოგავენ, რათა წარმატებას მიაღწიონ, ამატებენ ახალ ძალებს, მაგრამ წარმატებული ჯერ მხოლოდ მათი გამოფიტვის პროცესია. და ჩვენ ძალიან მალე საჩვენოდ გამოვიყენებთ ამ გამოფიტვას, როგორც ეს გავაკეთეთ კიევთან, ხარკოვთან, კუპიანსკთან და ბალაკლეასთან”, – ამბობს გენერალი.
შეგახსენებთ, გუშინ, 22 მარტს ვოლოდიმირ ზელენსკი ბახმუტში ჩავიდა და მოწინავე პოზიციებზე უკრაინის მცველები, ასევე დაჭრილი ჯარისკაცები მოინახულა. მან გამორჩეული მებრძოლები დააჯილდოვა.