22 მარტს ღამით რუსეთი უკრაინის რამდენიმე რეგიონს ირანული “შაჰიდით”, ე.წ. კამიკაძე თვითმფრინავებით დაესხა თავს.
როგორც კიევის რეგიონულ სამხედრო ადმინისტრაცია იტყობინება, უპილოტო საფრენი აპარატის დარტყმის შედეგად, რეგიონში რამდენიმე ადამიანი დაშავდა.
“ამჟამად ცნობილია 3 დაღუპულისა და 7 დაჭრილის შესახებ. ინფორმაცია ზუსტდება”,- წერს უკრაინული მედია კიევის რეგიონულ სამხედრო ადმინისტრაციაზე დაყრდნობით.
ამ დროისთვის არსებული ცნობებით, ადგილზე სამაშველო ეკიპაჟები, პოლიცია და სასწრაფო დახმარების ჯგუფები მუშაობენ. დაზარალებულებს უტარდებათ საჭირო დახმარება. ხანძარი ლოკალიზებულია.