კრასნოდარის მხარის ქალაქ „გარიაჩი კლიუჩის„ ადმინისტრაცია უარს აცხადებს ვაგნერელთა დაკრძალვაზე – ოფიციალურ მიზეზად სახელდება გადავსებული სასაფლაოები, ქვეტექსტი კი ისაა, რომ მოკლული ვაგნერელები აქაურები არ არიან და ქალაქის სასაფლაოზე მხოლოდ აქედან წასული მებრძოლებისთვის უნდა “შეინახონ” ადგილები.
ქალაქის ადმინისტრაციის ასეთი დამოკიდებულება გაბრაზების საფუძველი გახდა ვაგნერელებისთვის, რომლებიც ერთად შეიკრიბნენ და ვიდეომიმართვა ჩაწერეს. ჯერ კიდევ ცოცხალნი და ფეხზე მდგომნი ვაგნერელი სამხედროები ქალაქის ადმინისტრაციას ანგარიშსწორებით ემუქრებიან – ვინ იცის იქნებ ხვალ სწორედ ისინი მოკვდნენ და, ეტყობა, ცხოველთა და ფრინველთა საჯიჯგნად თავს ვერ იმეტებენ.