დიდი ბრიტანეთი უკრაინაში პუტინის უკანონო შეჭრის ფონზე საქართველოს და მოლდოვას ფინანსურად დაეხმარება. უკვე ცნობილია, რომ საქართველოში დემოკრატიის განმტკიცების მიზნით, დიდი ბრიტანეთი გამოყოფს 500 000 ფუნტ სტერლინგს. ეს თანხა მოხმარდება 2024 წელს თავისუფალი და სამართლიანი არჩევნებისთვის საჭირო გარემო შექმნას, რომელიც დაცული იქნება გარე ჩარევისგან.
ეს იქნება ერთ-ერთი საკითხი, რომელსაც საქართველოს და დიდი ბრიტანეთის საგარეო უწყებების ხელმძღვანელები განიხილავენ. გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანი ჯეიმს კლევერლი თბილისში გუშინ ჩამოვიდა. დღეს ის ქართველ კოლეგა ილია დარჩიაშვილთან ერთად რამდენიმე საკითხს განიხილავს. დაგეგმილია აუდიენცია პრემიერ ღარიბაშვილთანაც.
“გაერთიანებული სამეფო არ იდგება უმოქმედოდ, სანამ მოსკოვი უხეშად ძირს უთხრის მათ [მოლდოვას, საქართველოს] დემოკრატიას, სუვერენიტეტსა და ტერიტორიულ მთლიანობას.
ჩვენ უნდა გავაძლიეროთ მათი გამძლეობა რუსეთის ჰიბრიდული საფრთხეების მიმართ, დავიცვათ მათი ხალხის დემოკრატიული არჩევანი და დავიცვათ ისინი კარის ზღურბლზე არსებული საფრთხისგან”, – განაცხადა კლევერლიმ.
ჯეიმს კლევერლი ჩავა საოკუპაციო ხაზთან და ადგილზე გაეცნობა არსებულ ვითარებას.