“ქართული ოცნების”ფრაქციის თავმჯდომარე, მამუკა მდინარაძე ამბობს, რომ სანქციას საქართველოს ვერ დააკისრებს ვერავინ იმის გამო, რომ მისი თქმით, მესამე პრეზიდენტი საჭმელს არ ჭამს. ის აცხადებს, რომ “არ შეიძლება სააკაშვილის კუჭზე გადიოდეს საქართველოს ევროპული მომავალი”.

მდინარაძის თქმით, მუქარები და განცხადებები მიხეილ სააკაშვილის გამო სანქციების დაკისრებასთან დაკავშირებით ქვეყნისთვის შეურაცხმყოფელია.

“საქართველოს კანონმდებლობით უცხო ქვეყანაში სამკურნალოდ გადაყვანა არ არსებობს ასეთი პრეცედენტი, ასეთი ჩანაწერი, თქვენც კარგად იცით, რომ ქართულ კანონმდებლობაში არ მოიძებნება, ეს ერთი, და რომც მოიძებნებოდეს ასეთის საფუძველი არ არის. მხოლოდ ერთი შეგვიძლია დავამატოთ, წარმოუდგენელია მიხეილ სააკაშვილის, იმ ბნელი წარსულის სისტემის, მწამებელი სისტემის კუჭზე გადიოდეს საქართველოს მომავალი, ამის დალაგება გინდათ თქვენ და ამ ნარატივს არავინ დაგალაგებინებთ ამ ქვეყანაში, იმიტომ, რომ ყველას ყველაფერი ძალიან კარგად ახსოვს”, – თქვა მდინარაძემ.

მან კიდევ ერთხელ გაიმეორა, რომ მიხეილ სააკაშვილის შეუძლია მეტი შეჭამოს და ამით პრობლემა აღმოიფხვრება.

ცნობისთვის, გუშინ ევროპარლამენტში კონფერენცია გაიმართა საქართველოს მესამე პრეზიდენტის მდგომარეობასთან დაკავშირებით. მაგნიტსკის აქტის მთავარი ავტორმა, ბილ ბროუდერმა თქვა, რომ მიხეილ სააკაშვილი მოკვდება, თუ ციხიდან არ გაათავისუფლეს