“ქართული ოცნების” თავმჯდომარის, ირაკლი კობახიძის თქმით, ევროპარლამენტის მხრიდან მიხეილ სააკაშვილის პოლიტიკურ პატიმრად მოხსენიება, იმ “კორუფციულ პრობლემებზე მეტყველებს, რომელიც ევროპარლამენტში არსებობს”.

“ჩვენთვის ეს ფაქტი, რა თქმა უნდა, უკიდურესად მიუღებელია, მიხეილ სააკაშვილი არის პატიმარი, რომელსაც მისჯილი აქვს სასჯელი კონკრეტული უმძიმესი დანაშაულებისთვის. ეს არის უმძიმესი დანაშაულები და მისი მოხსენიება პოლიტპატიმართა შორის, მეტყველებს იმ კორუფციულ პრობლემებზე, რომლებიც დღეს სამწუხაროდ წარმოდგენილია ევროპარლამენტში, მე იმედი მაქვს ევროპარლამენტი ასეთ პრობლემებს უახლოეს მომავალში დაძლევს”, – თქვა ირაკლი კობახიძემ.

შეგახსენებთ, დღეს, 14 მარტს ევროპარლამენტში მიხეილ სააკაშვილთან დაკავშირებით დებატები გაიმართება. “პოლიტპატიმრები, რომელთა სიკვდილის ბრძანება გასცეს: კარა-მტზა, გორინოვი და სააკაშვილი” – ასე ჰქვია დებატებს, რომლის ინიციატორები ევროპარლამენტარი ანა ფოტიგა და პეტრას აუსტრევიჩუსი არიან.