დღეს, 14 მარტის დილით, რუსმა სამხედროებმა დონეცკის რეგიონში, კრამატორსკში საცხოვრებელი კორპუსი დაბომბეს, – ამის შესახებ ინფორმაციას დონეცკის სამხედრო ადმინისტრაციის ხელმძღვანელი, პაველ კირილენკო ავრცელებს.
კირილენკოს ცნობით, დაბომბვის შედეგად სულ მცირე ერთი ადამიანი გარდაიცვალა და დაშავდა სამი.
Unian-ის ინფორმაციით რაკეტა სამ სართულიან კორპუსს მოხვდა, რამაც მისი დანგრევა გამოიწვია. ნანგრევებს შორის მოყვნენ კორპუსის მაცხოვრებლები. ნანგრევებიდან ისმის გადარჩენილი ადამიანების ხმაც.
ადგილზე მობილიზებულები არიან სამაშველო ჯგუფები.