რუს ოკუპანტებს ორი თვის განმავლობაში, ფაქტობრივად, საკვების გარეშე ჰყავდათ სარდაფში ტყვედ უკრაინელი სამხედროები.
უკრაინელი ჟურნალისტი სერგეი გერმაში წერს, რომ ერთ-ერთი სამხედრო, რომლის გათავისუფლებაც მოხერხდა, ფრონტის ხაზთან ახლოს, ჰოსპიტალში მიიყვანეს.
“ასეთი მხოლოდ საბჭოთა კინოქრონიკებში მინახავს, ოსვენციმის ბანაკის შესახებ,” – წერს ჟურნალისტი, – “უბრალოდ, ცოცხალი ჩონჩხი ვიპოვეთ მას შემდეგ, რაც ჩვენებმა მტერს უკანდახევა აიძულეს.
ის სარდაფში, ორი თვე ჰყავდათ დატყვევებული და საჭმელს არ აძლევდნენ. რომ არა ერთი რუსი ჯარისკაცი, რომელსაც შეებრალა და თავის ულუფას უყოფდა, შიმშილით მოკვდებოდა. წყურვილს ვერაფერს უხერხებდა და ამბობს, რომ ანტიფრიზს სვამდა – წამებასთან ერთად, მოწამლულიცაა”, – წერს ჟურნალისტი.
–
ეს და სხვა სიახლეები უკრაინიდან და საქართველოდან – ადევნეთ თვალი “ოდიშინიუსის” ყოველდღიურად მზარდ ტელეგრამ-არხს ამ ბმულზე