უკრაინის ტერიტორიის განნაღმვას, შესაძლოა, 70-ზე მეტი წელი დასჭირდეს, – ამის შესახებ უკრაინის ეკონომიკის მინისტრმა იულია სვირიდენკომ განაცხადა.

“უახლოეს პერიოდში ამ პრობლემის გადასაჭრელად საერთაშორისო თანამეგობრობის ფინანსური და ტექნოლოგიური თანადგომაა საჭირო – განაცხადა მან.

შეგახსენებთ, რომ უკრაინაში დანაღმული ტერიტორიის მოცულობა საქართველოს ფართობს აღემატება

2022 წლის ოქტომბრის მონაცემებით, დანაღმულია უკრაინის ტერიტორიის ერთი მეექვსედი, დაახლოებით 82.000 კვადრატული კილომეტრი.

 ცნობისთვის, ეს საქართველოს საერთო ფართობზე მეტია (ჩვენი ქვეყნის ფართობი 69.700 კვ.კმ.-ია).

პოტენციურად საშიში ადგილები ექსპერტებმა რუკაზე დაიტანეს. ესენია ქვეყნის სამხრეთით და აღმოსავლეთით მდებარე ტერიტორიები, ასევე კიევისა და ჩერნიგოვის ოლქები.