“ვახტანგ ჩარკვიანი ზედოზირებით გარდაიცვალა” – ექსპერტიზის დასკვნა 20 წლის ფეხბურთელის საქმეზე

0
62

გარდაცვლილი ვახტანგ ჩარკვიანის ოჯახის წევრები და უფლებადამცველები პროკურატურასთან იმყოფებიან და ყველა იმ პირის დასჯას ითხოვენ, ვინც ახალგაზრდა ფეხბურთელის სიკვდილშია დამნაშავე და ჩარკვიანის მკურნალობაში იღებდა მონაწილეობას.

ოჯახმა საქმეზე დამოუკიდებელი ექსპერტიზა ჩაატარა, რითაც დადგინდა, რომ 20 წლის ბიჭის გარდაცვალება ზედოზირებამ გამოიწვია.

პაციენტის ისტორიიდან ირკვევა, რომ რესპუბლიკურ საავადმყოფოში მოთავსებულ ახალგაზარდა ფეხბურთელს 5 დღის განმავლობაში 193 ამპულა ძლიერი ნარკოტიკული საშუალება ფენტალინი და 67 ამპულა კიდევ ერთი ძლიერ მოქმედი მედიკამენტი – მიდაზოლამი გაუკეთეს. ალტერნატიული ექსპერტიზა ოჯახის დაკვეთით ჩატარდა, რომელიც ასკვნის, რომ მსგავსი დოზებით დანიშნული ეს პრეპარატები, თუ ის მართლაც გაუკეთდა პაციენტს, ნებისმიერი ადამიანის გარდაცვალებას გამოიწვევდა.

“ექსპერტიზა პირდაპირ აჩვენებს, რომ ვახტანგ ჩარკვიანი ზედოზირების გამოიყენებით გარდაიცვალა და ამან გამოიწვია ბუნებრივი სიკვდილი… [ვითხოვთ] დაისაჯოს ყველა ის ექიმი, ის პირი, ვინც მონაწილეობა მიიღო ვახტანგ ჩარკვიანის მკურნალობაში. ვახტანგ ჩარკვიანი არასწორი მკურნალობის შედეგად გარდაიცვალა”, – თქვა ოჯახის ადვოკატმა მზია ხასრაშვილმა.

წინა სტატიასაერთოდ ვერ დგება, წონა აღარ აქვს ადამიანს – გიული ალასანია მიხეილ სააკაშვილზე
შემდეგი სტატია5 დაღუპული და 6 დაშავებული – რუსეთმა ბოლო 24 საათში, უკრაინის 8 ოლქი დაბომბა
ტელეკომპანია ოდიშის საინფორმაციო სამსახური