უკრაინაში ესტონეთის ელჩმა განაცხადა, რომ გასულ კვირას დაანონსებულ რეკორდული ოდენობის სამხედრო დახმარების პაკეტში შდის ყველა ხელმისაწვდომი 155 მმ-იანი ჰაუბიცა.
“ჩვენ ყველა ჩვენს 155 მმ-იან ჰაუბიცებს ვაძლევთ უკრაინას. და გვინდა ამ გზით შევქმნათ პრეცედენტი, რათა სხვა ქვეყნებს არ ჰქონდეთ საბაბი, თუ რატომ არ შეუძლიათ უკრაინას მიაწოდონ საჭირო იარაღი ომის მოსაგებად”, – თქვა ესტონეთის ელჩმა უკრაინაში.
ელჩმა ასევე გამოაცხადა იარაღის სია, რომელიც შევა დახმარების პაკეტში, მათ შორისაა საარტილერიო ჭურვები, ტანკსაწინააღმდეგო ყუმბარმტყორცნები, საარტილერიო დანაყოფების დამხმარე საშუალებები და სხვა.