ბერლინში, ბუნდესტაგში ამ წუთებში ქართული კრიტიკული მედიების წარმომადგენლები შეხვედრას მართავენ. “მთავარი არხისა” და “ფორმულას” წარმომადგენლები გერმანელ კანონმდებლებს საქართველოში მედიამენეჯერების სისხლისსამართლებრივ დევანსა და ზეწოლის ფაქტების შესახებ უყვებიან.
ბერლინში იმყოფება “მთავარი არხის” იურისტი, თამთა მურადაშვილი და გენერალური დირექტორის, ნიკა გვარამიას მეუღლე, სოფო ლილუაშვილი, ასევე, “ფორმულას” დირექტორი, ზუკა გუმბარიძე.
“ჩვენ დასავლელ პარტნიორებთან ერთად ვისაუბრებ იმაზე, რომ ყველაზე კრიტიკული არხის მედიამენეჯრის, ნიკა გვარამიას უკანონო და პოლიტიკური პატიმრობა არ არის მხოლოდ მისი პერსონალური პრობლემა და ეს ზიანს უქმნის მთელ მედიაგარემოს, აჩენს დაუცველობის შეგრძნებას”, – თქვა სოფო ლილუაშვილმა.
გერმანული მხარიდან შეხვედრას ესწრებიან ბუნდესტაგის მოქმედი და ყოფილი დეპუტატები, ასევე ანალიტიკოსები. შეხვედრა “თანამედროვე ლიბერალიზმის ცენტრის” და GRASS ორგანიზებით შედგა. ის დახურულ რეჟიმში იმართება.