უკრაინის არმიის გენშტაბის ცნობით, ბოლო 24 საათში უკრაინელებმა საოკუპაციო ძალების თავდასხმები 10 დასახლებულ პუნქტში მოიგერიეს. მათივე ცნობით, დღის განმავლობაში რუსებმა 1 რაკეტა ისროლეს და 27 საჰაერო დარტყმა განახორციელეს.
გენშტაბის ინფორმაციითვე, რუსმა სამხედროებმა შეტევითი მოქმედებები ჩაატარეს ავდიივკასა და ლიმანის მიმართულებით. ასევე, გრძელდება თავდასხმების მცდელობები ბახმუტის მიმართულებით.
უწყების ინფორმაციით, უკრაინელმა სამხედროებმა მტრის თავდასხმები მოიგერიეს ლუგანსკის ოლქისა და დონეცკის ოლქის დასახლებებში.
ამავე დროს, ანალიზს აქვეყნებს აშშ-ის ომის შემსწავლელი ინსტიტუტი (ISW), სადაც ექსპერტები წერენ, რომ რუსეთმა 11 თვის განმავლობაში უკრაინაში, დაახლოებით იმდენივე ჯარისკაცი დაკარგა, რამდენიც აშშ-მა ვიეტნამში, 8 წლის განმავლობაში.