დღეს საქალაქო სასამართლოში მესამე პრეზიდენტისთვის სასჯელის გადავადების ან გათავისუფლების საქმეზე მორიგი პროცესი გაიმართება. სხდომაზე “ემპათიას” ექიმები დაიკითხებიან. ადვოკატების ინფორმაციით, პროცესს ჯანმრთელობის მძიმე მდგომარეობის გამო, მიხეილ სააკაშვილი ვერ დაესწრება.
“ცენტრი ეპმათიას ექსპერტები იქნებიან გამოკითხული, ნევროლოგი, ფსიქიატრი და თუ მოესწრება კიდევ სხვა ექსპერტები. მიაწოდებენ მნიშვნელოვან ინფორმაციას იმ მძიმე დიაგნოზების შესახებ, რომლებიც გახლავთ სასჯელისგან გათავისუფლების საფუძველი.
პენიტენციური სამსახურის დამოკიდებულება საკითხისადმი არის სრულიად არარელევანტური, ისინი პრაქტიკულად აწყობენ სასამართლო პროცესების საბოტაჟს და წელავენ დროს”, – თქვა ჯიშკარიანმა.
ის კიდევ ერთხელ იმეორებს, რომ არსებული ჯანმრთელობის მდგომარეობის გათვალისწინებით მიხეილ სააკაშვილი ციხეში არ უნდა იმყოფებოდეს.