უკრაინაში რუსეთის ფართომასშტაბიანი შეჭრის დაწყებიდან 331 დღე დაიწყო. დღე-ღამის განმავლობაში ოკუპანტებმა დონეცკის ოლქში 4 მშვიდობიანი მოქალაქე მოკლეს: ორი დრობიშევოში, 1 ბახმუტსა და 1 მაქსიმილიანკაში. სამმა ადამიანმა სხვადასხვა სახის ჭრილობა მიიღო – ამის შესახებ უკრაინის ოფიციალური სტრუქტურები იტყობინებიან.
დღე-ღამის განმავლობაში უკრაინაში 770-ზე მეტი რუსი ოკუპანტია ლიკვიდირებული, საერთო ჯამში კი, 24 თებერვლიდან დღემდე, მათი რაოდენობა 119.000-ზე მეტია.
დღეს რამშტეინში (გერმანიაში მდებარე აშშ-ის სამხედრო ბაზა) მორიგი შეხვედრა ტარდება, სადაც უკრაინისთვის დამატებით სამხედრო დახმარების საკითხებს განიხილავენ. ცნობილია, რომ აშშ ამ შეხვედრაზე დახმარების ახალი პაკეტით წარსდგება, რომელშიც უკრაინაში გასაგზავნი ჯავშანტექნიკა შედის.