დნიპროში მაღალსართულიან საცხოვრებელ კორპუსზე რუსების თავდასხმის შედეგად დაღუპულთა რიცხვი 40-მდე გაიზარდა, მათგან 3 ბავშვია. ინფორმაციას ოლქის სამხედრო ადმინისტრაციის ხელმძღვანელი, ვალენტინ რეზნიჩენკო და საგანგებო სიტუაციების სამსახური ავრცელებს.
ბოლო ცნობებით, მაშველებმა 39 ადამიანის გადარჩენა შეძლეს, მათ შორის 6 ბავშვია. სარაკეტო იერიშის შედეგად დაშავდა 75 ადამიანი, მათგან 14 ბავშვია.
ადგილზე სამძებრო სამუშაოები ამ დრომდე გრძელდება.
ცნობისთვის, ოკუპანტებმა დნირპოში საცხოვრებელი კორპუსი 14 იანვარს დაბომბეს, რის შემდეგაც სამდღიანი გლოვა გამოცხადდა.