დნეპრში, რუსული სარაკეტო შეტევის შედეგად დაღუპულთა რიცხვი 14-მდე გაიზარდა, მათგან ერთი ბავშვია.
დილის მონაცემებით, ნანგრევებქვეშ, მინიმუმ, 26 ადამიანი რჩება.
ამ დროისთვის ცნობილია, რომ გადარჩენილია 38 მოქალაქე, აქედან 6 ბავშვი. დაჭრილია 73 პირი, აქედან 14 ბავშვია.
გოგონა, რომელიც მე-7 სართულზე, სახლის ნგრევის დროს, აბაზანაში დაიმალა და მაშველებმა გადაარჩინეს, 23 წლისაა. ერთი თვის წინ მან ომში საყვარელი ადამიანი დაკარგა, ახლა კი მშობლები ნანგრევებქვეშ არიან მოყოლილი – მათი ბედი უცნობია.
სამაშველო სამუშაოები ამ დრომდე გრძელდება.