რუსეთის ფართომასშტაბიანი აგრესია უკრაინის წინააღმდეგ გრძელდება და, შესაბამისად, მატულობს ისტორიები იმ ადამიანებზე, ვისაც ეს ომი პირადად შეეხო. უკრაინული მედია ხმელნიცკის ოლქში მომხდარ ტრაგედიაზე წერს. “ტელეგრაფის” ცნობით, კამენეც-პოდოლსკში ორი პატარა გოგო ობლად დარჩა იმის გამო, რომ მათი მამა ფრონტზე დაიღუპა, დედის გულმა კი ამ ტრაგიკული ამბის შესახებ ცნობას ვერ გაუძლო.
ცოლ-ქმარი ერთსა და იმავე ასაკში – 33 წლისანი გარდაიცვალნენ. მათ ბავშვობიდან უყვარდათ ერთმანეთი, ოჯახიც სიყვარულით შექმნეს და სამშობლოს ორ გოგონას უზრდიდნენ: უფროსი 8 წლისაა, უმცროსი – 6.
ანდრეი ტვერდოხლებმა სხვადასხვა მიმართულებებზე მოასწრო საომარ მოქმედებებში მონაწილეობა, ბოლო დროს კი დონბასში იმყოფებოდა. ქმრის დაღუპვის შესახებ ცნობის მიღებიდან რამდენიმე დღეში მარინა ტვერდოხლებიც გარდაიცვალა – როგორც ექიმებმა თქვეს, მისმა გულმა ამ დიდ ტრაგედიას ვერ გაუძლო.
