რუსეთის მიერ ოკუპირებულ ქალაქ კახოვკაში, უკრაინელმა პარტიზანებმა კოლაბორანტი ანდრეი შტეპა ააფეთქეს – ის საკუთარ ავტომანქანაში ცოცხლად ჩაიწვა.
კახოვკა ხერსონის ოლქის ქალაქია, ანდრეი შტეპა კი რუს ოკუპანტებთან “ტკბილ” ურთიერთობაში ოკუპაციის პირველი დღეებიდანვე იყო შემჩნეული.
ანდრეი შტეპას აფეთქების კადრები ინტერნეტშიც გავრცელდა. წინასწარი ინფორმაციით, აფეთქება მაშინვე მოხდა, როგორც კი შტეპა მანქანაში ჩაჯდა და ძრავი დაქოქა. აფეთქება იმდენად ძლიერი იყო, რომ მან მანქანიდან გადმოსვლა ვერ მოასწრო და იქ ცოცხლად დაიწვა.
ბოლო პერიოდში უკრაინელი პარტიზანები მელიტოპოლსა და კახოვკაში გააქტიურდნენ. ცოტა ხნის წინ მელიტოპოლში რუსული სამხედრო ბაზა აფეთქდა, ხოლო უფრო ადრე იქაც ერთი კოლაბორანტი მოკლეს.
“ყველა მოღალატეს ასეთი ბედი ელის”, – მსგავს მინიშნებებს პარტიზანები იმ ადგილებში ტოვებენ, სადაც კოლაბორანტები, უმეტესწილად, ვერტიკალურ მდგომარეობაში აღესრულებიან.