“ყირიმის დაბრუნება უკვე დაწყებულია უკრაინელთა გონებაში, მაგრამ ნახევარკუნძულის გასათავისუფლებლად სამხედრო ოპერაცია ჯერ არ დაწყებულა”, – განაცხადა უკრაინის პრეზიდენტმა ვოლოდიმირ ზელენსკიმ ფრანგულ ტელეარხ LCI-სთან ინტერვიუში.
“იმიტომ რომ ისე, უბრალოდ, ჩვენ ყირიმს არავინ დაგვითმობს. მზად უნდა ვიყოთ მის დასაბრუნებლად. და ასეთი მზაობა საზოგადოებაში უკვე არსებობს”, – თქვა უკრაინის შეიარაღებული ძალების უმაღლესმა მთავარსარდალმა.
LCI-ს ჟურნალისტის შეკითხვაზე, როდის აპირებს ყირიმში დასვენებას – 2023 წლის ზაფხულში თუ სხვა დროს, უკრაინის პრეზიდენტმა უპასუხა:
“რატომაც არა? ზაფხულში იქ მშვენიერი დარებია…”